Requirements
- الكورس موجه للمبتدئين من الأطفال وأسرهم بدون متطلبات مسبقة
Features
- ستوضح لطفلك بسهولة كل ما يتعلق بالقمر، نشأته وأهميته، لماذا يتغير شكله، كيف يبدو لنا في التلسكوبات
- تأتي النجوم بعد ذلك، ما هي؟ وكم تبعد عنا؟ وكيف ارتبط القدماء بها.
- االكون، هو الشاسع العملاق الذي يجمع كل هذا، سيتعلم الطفل هنا موقعنا بداخلنا.
- ستوضح لطفلك بسهولة كل ما يتعلق بالقمر، نشأته وأهميته، لماذا يتغير شكله، كيف يبدو لنا في التلسكوبات المجموعة الشمسية هي الهدف التالي، الشمس وكواكبها الصغيرة والعملاقة، وما الفوارق الأهم بين الكواكب
- يأتي بعد كذلك دور جيراننا في الكون الفسيح، المجرات الأخرى، وكيف نكتشفها ونراقبها في السماء
Target audiences
- الآباء والأمهات وكل الأبناء في مختلف مراحل التعليم الأساسي بداية من 8 سنوات
كنا بنفكر ليه معظم أولادنا بيشتكوا من إن حصة العلوم في المدرسة صعبة ومش مفهومة، وإحنا كآباء وأمهات حاسين بالمشكلة لكن مش عارفين إزاي نحبب أولادنا في حصص العلوم، وده أكيد هيأثر على ابنك لما يكبر وهيحاول يتجنب العلوم كل ما يقدر.
عشان كده إحنا فكرنا وقلنا لازم نلاقي طريقة نقدم بيها العلوم بطريقة جذابة وعملية بالنسبة لإبنك، ويقدر يتفاعل معاها كل يوم وهو مستمتع، وأفضل طريقة لكده هي إننا نربطه بالسما ونخليه يبص عليها ويكتشف أسرارها كل يوم.
عشان كده إحنا عملنا “مغامرة في الفضاء” .. أول كورس أون لاين عن علم الفلك يقدر الآباء يعلموه لأولادهم باللغة العربية ، وترجمنا كل المصطلحات الرئيسية English عشان يبقى مناسب كمان لأولادنا اللي بيدرسوا ال science.
تقدر كأب وتقدري كأم إنك تقدمي الكورس ده لإبنك عشان يشرح له أساسيات علم الفلك والسما ببساطة، وخلال مغامرتنا في الفضاء هنكتشف حقائق ومعلومات ممتعة جدًا.
زي إن في حادثة حصلت للأرض زمان هي اللي كوّنت القمر، وإن في كوكب في المجوعة الشمسية بيلف حواليه أكثر من 80 قمر، وهنعرف ليه بنشوف الشمس صفراء مع إن لونها الحقيقي غير كده، وهنتعلم إزاي نعرف درجة حرارة النجوم بمجرد ما نشوف ألوانها!
وهنحكي قصص لطيفة جدا عن القدماء وعن نظرتهم للكواكب والنجوم قبل اختراع التلسكوبات، وهنتعلم إزاي نصنع تلسكوب بسيط بنفسنا في البيت، وهنعمل مع بعض تجارب عملية ممتعة جدا عشان نفهم حركة الكواكب والنجوم، وهنعرف يعني إيه كوكبات ومجرات وسدم وحاجات تانية كتير.
وهنعرف أحدث الاكتشافات اللي توصل ليها العلماء وإيه هي خططهم في السنين الجاية عشان يكتشفوا حاجات عمرنا ما قدرنا نوصل لها قبل كده، وكمان هنعرف العلماء بيفكروا إزاي في حل مشاكلهم وهنتعلم نفكر زيهم في حياتنا اليومية.
وفي نهاية مغامرتنا هنعرف إيه اللي ممكن نعمله عشان نتطور أكتر في علم الفلك حتى بعد ما نخلص الكورس! سجل معانا دلوقتي عشان تقدر تعلم ابنك عن الكون والفضاء، ويللا نبدأ مغامرة مثيرة في الفضاء مع علم الفلك ببساطة.
